دل کے بجھتے ہوئے شعلوں کو ہوا دیتا ہے

دل کے بجھتے ہوئے شعلوں کو ہوا دیتا ہے

کون ماضی کے دریچوں سے صدا دیتا ہے

وہ محبت کا مری خوب صلہ دیتا ہے

دوست بن کر مجھے ہر زخم نیا دیتا ہے

ظلم ظالم کا ابھی اور ابھی باقی ہے

میرا دشمن مجھے جینے کی دعا دیتا ہے

جام و مینا کی تمنا نہیں مجھ کو یارو

میرا ساقی مجھے نظروں سے پلا دیتا ہے

دردؔ ہرگز کبھی اوقات نہ بھولو اپنی

وقت ہر شخص کو نظروں سے گرا دیتا ہے

dil ke bujhte hue sholon ko hua deta hai

kaun mazi ke darichon se sada deta hai

wo mohabbat ka miri khub sila deta hai

dost ban kar mujhe har zakhm naya deta hai

zulm zalim ka abhi aur abhi baqi hai

mera dushman mujhe jine ki dua deta hai

jam-o-mina ki tamanna nahin mujh ko yaro

mera saqi mujhe nazron se pila deta hai

dard hargiz kabhi auqat na bhulo apni

waqt har shakhs ko nazron se gira deta hai