عزیزو!

عزیزو!

اگر رات رستے میں آئے

اگر دانہ و دام کا سحر جاگے

اگر اڑتے اڑتے کسی روز تم آشیاں بھول جاؤ

تو پچھلی کہانی میں موجود جگنو سے دھوکا نہ کھانا

کہانی، نہیں دیکھتی غم کے نم کو

کہانی نہیں جانتی کیف و کم کو

کہانی کو وہم و گماں کی کٹھن راہ سے کون روکے

کہانی کا پیرایہ خواہش کا قیدی نہیں

پیرہن کوئی بدلے تو بدلے،

کہانی بدلتی نہیں ہے

عزیزو!

اگر رات آئے تو رستے میں پڑتی

مری جھونپڑی کا دیا دیکھ لینا

میں خود اڑے اڑتے یہیں پر گرا تھا

azizo!

agar rat raste mein ae

agar dana-o-dam ka sahar jage

agar urte urte kisi roz tum ashiyan bhul jao

tu pichhli kahani mein maujud jugnu se dhoka na khana

kahani, nahin dekhti gham ke nam ko

kahani nahin janti kaif-o-kam ko

kahani ko wahm-o-guman ki kathin rah se kaun roke

kahani ka pairaya khwahish ka qaidi nahin

pairahan koi badle to badle,

kahani badalti nahin hai

azizo!

agar rat ae to raste mein parti

miri jhonpari ka diya dekh lena

main khud ure urte yahin par gira tha