چند سال اس طرف

چند سال اس طرف

ہم شناسا نگاہوں سے بچتے بچاتے

یہیں پر ملے تھے

تمہیں یاد ہے

کائنات ایک ٹیبل کے چاروں طرف گھومتی تھی

ہمیں دیکھ کر کتنے بوڑھوں کی آنکھیں

کسی یاد رفتہ میں نم ہو رہی تھی

مگر میں نے آنکھوں میں

اپنے لیے اور تمہارے لیے

مچھلیوں کی طرح تیرتے آنسوؤں میں تمنائیں دیکھیں

مجھے یاد ہے

جب کسی اجنبی مہرباں نے ہمیں پھول بھیجے

تو تم کتنی نروس ہوئیں

جلد ہی خوف، خدشے ہوا ہو گئے

دوسری ٹیبلوں پر بھی گلدستے ہنسنے لگے

اب محبت کا مسکن کہیں اور ہے

یہ جگہ اب زباں بند دشمن کا منہ کھولنے کے لیے ہے

جہاں اپنی ٹیبل تھی اب اس جگہ ایک پھندا لگا ہے

کہاں آ گئی ہو محبت کا کتبہ اٹھائے ہوئے

آؤ آگے چلیں

chand sal is taraf

ham shanasa nigahon se bachte bachate

yahin par mile the

tumhen yad hai

kainat ek tebal ke charon taraf ghumti thi

hamen dekh kar kitne burhon ki ankhen

kisi yad rafta mein nam ho rahi thi

magar main ne ankhon mein

apne liye aur tumhare liye

machhliyon ki tarah tairte ansuon mein tamannaen dekhen

mujhe yad hai

jab kisi ajnabi mehrban ne hamen phul bheje

to tum kitni narwas huin

jald hi khauf, khadshe hua ho gae

dusri tebalon par bhi guldaste hansne lage

ab mohabbat ka maskan kahin aur hai

ye jagah ab zaban band dushman ka munh kholne ke liye hai

jahan apni tebal thi ab is jagah ek phanda laga hai

kahan a gai ho mohabbat ka katba uthae hue

ao age chalen