گئے برسوں اک حاصل کیا!

گئے برسوں اک حاصل کیا!

فقط اک موم بتی تین سو پینسٹھ دنوں میں

کیک کے زینے پہ چڑھتی ہے

ذرا سی پھونک پر ہم راہیوں کے ساتھ بجھتی ہے

دھواں چکرا کے روشن دان سے باہر نکلتا ہے

چھری کی دھار سے کتنے برس کاٹوں!

ہوا کا آشنا چہرہ مری آنکھوں میں رہتا ہے

گئے لمحوں کو دہراتی ہوا طرز محبت ہے

وہ آئے تو نئے لمحوں کی رسی تھام کر چل دوں

کہیں اندر رکی پھونکیں لبوں تک آئیں

تو یہ بتیاں گل ہوں

ابھی کل کے دریچے کھل نہیں پائے

مناظر دھند میں ہیں

آنسوؤں سے دھل نہیں پائے

gae barson ik hasil kya!

faqat ik mom batti tin so painsath dinon mein

kek ke zine pe charhti hai

zara si phunk par ham rahiyon ke sath bujhti hai

dhuan chakra ke raushan dan se bahar nikalta hai

chhuri ki dhar se kitne baras katun!

hawa ka ashna chehra miri ankhon mein rahta hai

gae lamhon ko dohrati hua tarz-e-mohabbat hai

wo ae to nae lamhon ki rassi tham kar chal dun

kahin andar ruki phunken labon tak aen

to ye battiyan gul hun

abhi kal ke dariche khul nahin pae

manazir dhund mein hain

ansuon se dhul nahin pae