دھوپ کے سمندر میں

دھوپ کے سمندر میں

برف کی صلیبوں پر

خواہشوں کے تنکوں سے

ایک لفظ لکھا ہے

لفظ جو امانت ہے

روشنی کی صبحوں کی

درد کے رفیقوں کی

پھول پھول شاخوں کی

زرد زرد شاموں کی

نا شناس ناموں کی

لفظ جو صداقت ہے

ان کہے سوالوں کی

جاگتے خیالوں کی

رینگتے اجالوں کی

کس طرح سمیٹے گا

میری تیری نسلوں کو

خواب کے جزیروں میں

آنے والے لمحوں میں

لفظ جو دیانت ہے

لفظ جو عبادت ہے

dhup ke samundar mein

barf ki salibon par

khwahishon ke tinkon se

ek lafz likha hai

lafz jo amanat hai

raushni ki subhon ki

dard ke rafiqon ki

phul phul shakhon ki

zard zard shamon ki

na shanas namon ki

lafz jo sadaqat hai

an kahe sawalon ki

jagte khayalon ki

rengte ujalon ki

kis tarah sametega

meri teri naslon ko

khwab ke jaziron mein

ane wale lamhon mein

lafz jo dayanat hai

lafz jo ibadat hai