نفاق سے خدا بچائے روگ یہ شدید ہے

نفاق سے خدا بچائے روگ یہ شدید ہے

بلائے جان آدمی نشان بزدلی ہے یہ

زوال آدمی ہے یہ وبال آدمی ہے یہ

اگر کہوں درست ہے کہ مرگ آدمی ہے یہ

یہ گندگی کا ڈھیر ہے غلاف میں ڈھکا چھپا

یہ خوفناک زہر ہے مٹھاس میں ملا جلا

وبائے ہولناک ہے بلائے ہولناک ہے

یہ چلتی پھرتی آگ ہے دیار و ملک و شہر میں

نفاق سے خدا بچائے روگ یہ خبیث ہے

لباس جسم آدمی میں کوڑھ ہے چھپا ہوا

منافقوں کی خصلتیں عجیب ہیں غریب ہیں

زباں پہ کچھ ہے دل میں کچھ کہیں گے کچھ کریں گے کچھ

زباں پہ دوستی کا راگ آستین میں چھری

دلوں میں بغض ہے بھرا مگر لبوں پہ ہے ہنسی

زبان پر خدا کی رٹ دلوں میں فکر شیطنت

یہ اپنے آپ ہیں خدا غرض کو پوجتے ہیں یہ

یہ نفس کے غلام ہیں مفاد کے غلام ہیں

یہ اپنے آپ مقتدی یہ اپنے خود امام ہیں

nifaq se khuda bachae rog ye shadid hai

bala-e-jan admi nishan buzdili hai ye

zawal admi hai ye wabal admi hai ye

agar kahun durust hai ke marg admi hai ye

ye gandagi ka dher hai ghilaf mein dhaka chhupa

ye khaufnak zahr hai mithas mein mila jala

wabae haulnak hai bulae haulnak hai

ye chalti phirti ag hai dayar-o-mulk-o-shahr mein

nifaq se khuda bachae rog ye khabis hai

libas-e-jism admi mein korh hai chhupa hua

munafiqon ki khaslaten ajib hain gharib hain

zaban pe kuchh hai dil mein kuchh kahenge kuchh karenge kuchh

zaban pe dosti ka rag astin mein chhuri

dilon mein bughz hai bhara magar labon pe hai hansi

zaban par khuda ki rit dilon mein fikr shetnat

ye apne ap hain khuda gharaz ko pujte hain ye

ye nafas ke ghulam hain mufad ke ghulam hain

ye apne ap muqtadi ye apne khud imam hain