مٹتے ابھرتے چہروں کے دریا میں

مٹتے ابھرتے چہروں کے دریا میں

بنتے بگڑتے رشتوں کے طوفان کے بیچ

ایک جزیرہ ہے کہ جہاں پر

خود کو ڈھونڈ نکالا میں نے

خود کو چہکتے دیکھا میں نے

خود کو مہکتے پایا میں نے

در نہ دریچہ

دیوار نہ چھت

مجھ سے ملنے آ سکتے ہو جب چاہو

پر یاد رہے

تم کو اپنا جسم اتار کے آنا ہوگا ساحل پر

mitte ubharte chehron ke dariya mein

bante bigarte rishton ke tufan ke bich

ek jazira hai ke jahan par

khud ko dhund nikala main ne

khud ko chahakte dekha main ne

khud ko mahakte paya main ne

dar na daricha

diwar na chhat

mujh se milne a sakte ho jab chaho

par yad rahe

tum ko apna jism utar ke ana hoga sahil par