آسماں پر نکل رہا مہتاب

آسماں پر نکل رہا مہتاب

دن کے دفتر پہ لگ رہا تالا

گھونسلوں کو پرندے لوٹ رہے

زینہ زینہ اندھیرا بڑھتا ہوا

اور میں ہوں قطار میں اب تک

بجلی پانی

نہ روزگار کوئی

گھر کا راشن نہ کوئی دعوے دار

عہد در عہد

پار کرتا ہوا

وادیٔ درد سے گزرتا ہوا

بطن سے والدہ کی ہوتے ہوئے

کوکھ میں آ گیا ہوں بیٹی کی

اے خدا

میرا جنم کب ہوگا

asman par nikal raha mahtab

din ke daftar pe lag raha tala

ghonslon ko parinde laut rahe

zina zina andhera barhta hua

aur main hun qatar mein ab tak

bijli pani

na rozgar koi

ghar ka rashan na koi daawe dar

ahd-e-dar ahd

par karta hua

wadi-e-dard se guzarta hua

batn se walida ki hote hue

kokh mein a gaya hun beti ki

ai khuda

mera janam kab hoga