میں حسیں ہوں مگر

میں حسیں ہوں مگر

اس قدر بھی نہیں

مجھ کو معلوم ہے

جانتی ہوں کہ میں

تیرے الفاظ کی

سب ہے جادوگری

تیرے الفاظ نے

اور جنوں نے ترے

اپنے شعروں میں کر کے بیاں میرا حسن

دل کشی کو مری

شاعری کو مری

ایک پہچان دی

ہر زباں پر مرا

تذکرہ ہے مگر

مجھ کو سچ سچ بتا

اے سخنور مرے

اے مرے جادوگر

تیرے اشعار نے

گفتگو نے تری

اور جنوں نے ترے

مجھ کو پہچان دی

میرا چرچا کیا

یا زمانے میں بس

مجھ کو رسوا کیا

main hasin hun magar

is qadar bhi nahin

mujh ko maalum hai

janti hun ke main

tere alfaz ki

sab hai jadugari

tere alfaz ne

aur junun ne tire

apne sheron mein kar ke bayan mera husn

dil kashi ko miri

shayari ko miri

ek pahchan di

har zaban par mira

tazkira hai magar

mujh ko sach sach bata

ai sukhanwar mire

ai mire jadugar

tere ashar ne

guftugu ne tiri

aur junun ne tire

mujh ko pahchan di

mera charcha kya

ya zamane mein bas

mujh ko ruswa kya