عدد ریاضی کا

عدد ریاضی کا

خوف و دہشت کا زائیدہ بن کے

خونی پنجے نکالے اپنا

لہو کا پیاسا

چہار جانب سے وار کرتا

محبتوں کو کھرچ رہا ہے

یہ کھیل کیسا کہ سارے جھگڑے

یہ ضرب و تقسیم جمع و تفریق

بپا ہوئے نفرت و محبت کے درمیاں جو

شکست انسانیت کے حصے میں آ گئی کیوں

یہ رت جگوں کا شکار آنکھیں

لبادۂ خوف میں لپٹ کر

بھٹک رہی ہیں

خیال کی پیچ دار گلیوں میں

سوچتی ہیں

یہ خواب دیکھیں

یا آگہی کا عذاب پلکوں کے نام لکھ کر

پرند خوش رنگ خواب کے سب

اڑا دیں اپنی منڈیر سے ہم

adad riyazi ka

khauf-o-dahshat ka zaida ban ke

khuni panje nikale apna

lahu ka pyasa

chahar janib se war karta

mohabbaton ko khurach raha hai

ye khel kaisa ke sare jhagre

ye zarb-o-taqsim jama-o-tafriq

bapa hue nafrat-o-mohabbat ke darmiyan jo

shikast-e-insaniyat ke hisse mein a gai kyun

ye rut jagon ka shikar ankhen

labada-e-khauf mein lipat kar

bhatak rahi hain

khayal ki pech dar galiyon mein

sochti hain

ye khwab dekhen

ya agahi ka azab palkon ke nam likh kar

parind khush rang khwab ke sab

ura den apni munder se ham