لاکھ کوشش تو کی مگر نہ ہوئی

لاکھ کوشش تو کی مگر نہ ہوئی

زندگی چین سے بسر نہ ہوئی

کس قدر اعتبار ہم نے کیا

زندگی پھر بھی معتبر نہ ہوئی

اس نے منزل کبھی نہیں پائی

جستجو جس کی ہم سفر نہ ہوئی

اس نے دیکھا جو ترچھی نظروں سے

جل اٹھے زخم اسے خبر نہ ہوئی

دردؔ تیرے گناہ دھل جاتے

کیوں ندامت سے آنکھ تر نہ ہوئی

lakh koshish to ki magar na hui

zindagi chain se basar na hui

kis qadar etibar ham ne kiya

zindagi phir bhi motabar na hui

us ne manzil kabhi nahin pai

justuju jis ki ham safar na hui

us ne dekha jo tirchhi nazron se

jal uthe zakhm use khabar na hui

dard tere gunah dhul jate

kyun nadamat se ankh tar na hui