گوشۂ دل میں تیرا درد چھپایا میں نے

گوشۂ دل میں تیرا درد چھپایا میں نے

چشم تر کو بھی نہ یہ راز بتایا میں نے

کون وہ شب ہے جو بے اشک بہائے گزری

کون وہ غم ہے جو دل پر نہ اٹھایا میں نے

کی زمانے سے کبھی کوئی شکایت نہ گلہ

اپنے رستے ہوئے زخموں کو چھپایا میں نے

اب تو دم ضبط کی شدت سے گھٹا جاتا ہے

اس قدر درد کو سینے میں دبایا میں نے

حیف بر حال دل زار کہ آئینہ ہوا

لاکھ پردے میں ہر اک راز چھپایا میں نے

زندگی گزری ہے بے کیف سی یا رب پھر بھی

گرچہ ہنس ہنس کے ہر اک غم کو مٹایا میں نے

کس نے یہ کشمکش شام الم دیکھی ہے

جب کوئی درد اٹھا دل میں دبایا میں نے

کب تک اس طور سے ناشادؔ گزاروں گی حیات

جب خوشی کوئی ملی اشک بہایا میں نے

gosha-e-dil mein tera dard chhupaya main ne

chashm-e-tar ko bhi na ye raz bataya main ne

kaun wo shab hai jo be ashk bahae guzri

kaun wo gham hai jo dil par na uthaya main ne

ki zamane se kabhi koi shikayat na gila

apne raste hue zakhmon ko chhupaya main ne

ab to dam zabt ki shiddat se ghata jata hai

is qadar dard ko sine mein dabaya main ne

haif bar hal-e-dil-e-zar ke aina hua

lakh parde mein har ik raz chhupaya main ne

zindagi guzri hai be kaif si ya rab phir bhi

garche hans hans ke har ik gham ko mitaya main ne

kis ne ye kashmakash-e-sham-e-alam dekhi hai

jab koi dard utha dil mein dabaya main ne

kab tak is taur se nashad guzarungi hayat

jab khushi koi mili ashk bahaya main ne