تری دنیا میں رہ کر کیا کریں گے

تری دنیا میں رہ کر کیا کریں گے

خدایا عمر بھر رویا کریں گے

محبت کا گلہ الفت کا شکوہ

پتہ کیا تھا کہیں ایسا کریں گے

رہی جب نہ خوشی کی زندگی گر

پھر ایسی زندگی کو کیا کریں گے

لٹا تھا قافلہ دل کا ہمارا

ملے گا کیا جو ہم چرچا کریں گے

جگر میں درد لب پر ہائے ہائے

بھلا اس طرح جی کر کیا کریں گے

کوئی کونین کی دولت سے بھی ہم

محبت کا نہیں سودا کریں گے

نظر سے ہو تو سکتا ہے پہ ناشاد

مگر ہم دل سے کیا پردہ کریں گے

tiri duniya mein rah kar kya karenge

khudaya umr bhar roya karenge

mohabbat ka gila ulfat ka shikwa

pata kya tha kahin aisa karenge

rahi jab na khushi ki zindagi gar

phir aisi zindagi ko kya karenge

luta tha qafila dil ka hamara

milega kya jo ham charcha karenge

jigar mein dard lab par hae hae

bhala is tarah ji kar kya karenge

koi kaunain ki daulat se bhi ham

mohabbat ka nahin sauda karenge

nazar se ho to sakta hai pe nashad

magar ham dil se kya parda karenge