برسات کی بہارو مجھ کو نہ اب ستاؤ

برسات کی بہارو مجھ کو نہ اب ستاؤ

جو خود ہی مٹ رہا ہے اس کو نہ تم مٹاؤ

اے موسم نگاراں اے ابر نو بہاراں

ایسے میں یاد ان کی مجھ کو نہ تم دلاؤ

بچھڑے ہوئے کسی سے مدت گزر چکی ہے

ماضی کے حادثوں کے قصے نہ تم سناؤ

بیتے ہوئے دنوں کی یادیں بھلا چکی ہوں

بیتے ہوئے دنوں کو پھر سامنے نہ لاؤ

دل میں مچل مچل کر مایوس ہو چکی ہیں

ان حسرتوں کو آ کر تم پھر نہ اب جگاؤ

اب جام ہے نہ ساقی اک تشنگی ہے باقی

تم بزم میں نہ آؤ گھر گھر کے اے گھٹاؤ

ناشادؔ زندگی سے بیزار ہو رہی ہے

اے نت نئی بہارو کلیوں کو گد گداؤ

barsat ki buharu mujh ko na ab satao

jo khud hi mit raha hai us ko na tum mitao

ai mausam nigaran ai abr-e-nau baharan

aise mein yad un ki mujh ko na tum dilao

bichhre hue kisi se muddat guzar chuki hai

mazi ke hadson ke qisse na tum sunao

bite hue dinon ki yaden bhala chuki hun

bite hue dinon ko phir samne na lao

dil mein machal machal kar mayus ho chuki hain

in hasraton ko a kar tum phir na ab jagao

ab jam hai na saqi ik tishnagi hai baqi

tum bazm mein na ao ghar ghar ke ai ghatao

nashad zindagi se bezar ho rahi hai

ai nit nai buharu kaliyon ko gid gadao