اپنی بے چہرگی

اپنی بے چہرگی

اوٹ میں نام کی تختیوں کی رہی

دل کی تاریکیاں

جگمگاہٹ میں ملبوس کی چھپ گئیں

لب پہ تنویر جاگی

تو ہم نے یہ سمجھا

چلو اجنبی اب شناسا ہوئے

شہر کے اونچے مینار پر

چند مٹی کے رنگیں کبوتر سجے

جشن آزادیٔ قوم و ملت

منایا گیا

اک خلا درمیاں تھا

سو قائم رہا

گرمی برسات جاڑے کی بدلی رتوں میں

ہر اک فرد

پہچان اپنی گنوا کر

ڈھلا موم کی مورتوں میں

ہر اک شکل اب جیسے اپنی لگے

اور کوئی شکل اپنی نہیں

ہم ہوئے آج خود اپنے ہی شہر میں

نسل ننگ نشاں

نسل بے چہرگاں

apni be chehragi

ot mein nam ki takhtiyon ki rahi

dil ki tarikiyan

jagmagahat mein malbus ki chhup gain

lab pe tanwir jagi

to ham ne ye samjha

chalo ajnabi ab shanasa hue

shahr ke unche minar par

chand mitti ke rangin kabutar saje

jashn-e-azadi-e-qaum-o-millat

manaya gaya

ik khala darmiyan tha

so qaim raha

garmi barsat jare ki badli ruton mein

har ik fard

pahchan apni ganwa kar

dhala mom ki muraton mein

har ik shakl ab jaise apni lage

aur koi shakl apni nahin

ham hue aj khud apne hi shahr mein

nasl nang-e-nishan

nasl be chehrgan