ہتھیلی کی لکیروں پر

ہتھیلی کی لکیروں پر

گرامو فون کی سوئی گھما کر

مست ہیں

سر دھن رہے ہیں

آئنے چپ چاپ ہیں

کالی شبیہیں

بند آنکھوں میں چمکتی ہیں یہاں

اب سرخ رو ہو کر

یہاں میں دور سے

ان سرمئی لہروں کے پیچھے بھاگ کر

آیا تھا

لیکن اب مرے تلووں کو

چکنی کائی کی

یہ مخملی نرمی بھی چبھتی ہے

اگر میں لوٹنا چاہوں تو رستے میں

وہی دھندلی ہتھیلی کی لکیریں ہیں

وہی لچھمن کی ریکھا ہے

hatheli ki lakiron par

giramo fon ki soi ghuma kar

mast hain

sar dhun rahe hain

aine chup chap hain

kali shabihen

band ankhon mein chamakti hain yahan

ab surkh ru ho kar

yahan main dur se

un surmai lahron ke pichhe bhag kar

aya tha

lekin ab mire talwon ko

chukni kai ki

ye makhmali narmi bhi chubhti hai

agar main lautna chahun to raste mein

wahi dhundli hatheli ki lakiren hain

wahi lachhman ki rekha hai