پیاس کے

پیاس کے

گہرے دریاؤں کے بیچ

میں اک جزیرے میں بیٹھا

خود اپنی ہی آنکھوں کا

صدیوں سے ہوں منتظر

ایک دن

ان کو احساس کی ناؤ پر

بہتے جھرنوں کے پیچھے

روانہ کیا تھا

کہ وہ میٹھے پانی سے

حصہ مرا مانگ لائیں

تو میں قرض

تشنہ لبی کا اتاروں

مگر اب یہ لگتا ہے

بہتے ہوئے پانیوں میں کہیں

بہتے خوابوں کے ہم راہ

آنکھیں مری بہہ گئی ہیں

کہ میرا مقدر

سمندر کا اگلا ہوا جھاگ ہے

pyas ke

gahre dariyaon ke bich

main ik jazire mein baitha

khud apni hi ankhon ka

sadiyon se hun muntazir

ek din

un ko ehsas ki nao par

bahte jharnon ke pichhe

rawana kya tha

ke wo mithe pani se

hissa mira mang laen

to main qarz

tishna labi ka utarun

magar ab ye lagta hai

bahte hue paniyon mein kahin

bahte khwabon ke ham rah

ankhen miri bah gai hain

ke mera muqaddar

samundar ka agla hua jhag hai