بچھڑی ہوئی گلیوں کی

بچھڑی ہوئی گلیوں کی

یادوں کا وہ میٹھا ذائقہ

احساس کے ہونٹوں پہ اپنے

میں لئے در در پھرا

مٹی کی سوندھی باس

صحرا میں متاع جاں تھی

میرے واسطے اب تک

یہ کیا ہوا

کیوں یک بیک

اپنے لہو کا ذائقہ

اپنی زباں پر پھیل کر

دل میں حقیقت کے چراغوں کی لویں

کجلا گیا

اخبار کی خبروں کے آگے

آیتیں قرآن کی

گیتا کے سب اشلوک مدھم پڑ گئے

نظروں میں مستحسن

زنا کا جرم ٹھہرا

دودھ ماں سے بخشوانے کی تمنا

آج مردہ ہو گئی

bichhri hui galiyon ki

yadon ka wo mitha zaiqa

ehsas ke honton pe apne

main liye dar dar phira

mitti ki sondhi bas

sahra mein mata-e-jan thi

mere waste ab tak

ye kya hua

kyun yak bayak

apne lahu ka zaiqa

apni zaban par phail kar

dil mein haqiqat ke charaghon ki lawen

kajla gaya

akhbar ki khabron ke age

ayaten quran ki

gita ke sab ashlok maddham par gae

nazron mein mustahsan

zina ka jurm thahra

dudh man se bakhshwane ki tamanna

aj murda ho gai