ابھی تو نظروں کے لب پہ تازہ

ابھی تو نظروں کے لب پہ تازہ

لہو میں ڈوبے ہر ایک منظر کا ذائقہ ہے

غموں کے پتھر کی نوک نے جو

دلوں کے شیشے پہ

ایک کتبہ لکھا تھا

اب بھی چمک رہا ہے

لب و صدا کے

ہر ایک رشتے میں

بو لہو کی بسی ہوئی ہے

ابھی تو پوری صدی بھی گزری نہیں ہے

تم تو ابھی سے

مٹی کی سوندھی خوشبو

کی کھوج میں ہو

ابھی تو موسم کے قافلوں کو

نظر کے سنسان راستوں سے

کئی صدی تک گزرنا ہوگا

کہ رفتہ رفتہ ہی

آئنہ پر

نئے تعلق کی دھول کی تہہ

دبیز ہو گئی

ہم اپنی انگلی سے اس پہ قصہ

نئی لکیروں کا لکھ سکیں گے

abhi to nazron ke lab pe taza

lahu mein dube har ek manzar ka zaiqa hai

ghamon ke patthar ki nok ne jo

dilon ke shishe pe

ek katba likha tha

ab bhi chamak raha hai

lab-o-sada ke

har ek rishte mein

bu lahu ki basi hui hai

abhi to puri sadi bhi guzri nahin hai

tum to abhi se

mitti ki sondhi khushbu

ki khoj mein ho

abhi to mausam ke qafilon ko

nazar ke sunsan raston se

kai sadi tak guzarna hoga

ke rafta rafta hi

aina par

nae taalluq ki dhul ki tah

dabiz ho gai

ham apni ungli se us pe qissa

nai lakiron ka likh sakenge