سیہ رنگ چادر تنی رات کی

سیہ رنگ چادر تنی رات کی

جس پہ

تاروں کے پیوند کے آئنے

جگمگائے

مصائب سے آزاد لمحوں میں وہ

اور میں

دونوں اک دوسرے سے ملے

مسکرائے

مہیب اور کالے شجر

دودھیا رنگ چادر میں لپٹے ہوئے

با ادب

لائینوں میں کھڑے

ہم جدھر چل پڑے

راستے جھلملائے

مگر منزلیں

اور نہ کوئی پتہ منزلوں کا کہیں

سرمئی راستے

آج پھر ختم پر آ گئے

چاندنی جیسے دھیمی پڑی

اور زردا گئی

شب نے اپنے پروں کو سمیٹا

پھسلتے ہوئے خواب

اندھی گپھاؤں کی جانب بڑھے

اور پھر

زعفراں رنگ کہرے میں

اک صلیب سیہ کی طرح

جب وہ خورشید ابھرا

تو میں اس پہ مصلوب تھا

siyah rang chadar tani rat ki

jis pe

taron ke paiwand ke aine

jagmagae

masaib se azad lamhon mein wo

aur main

donon ik dusre se mile

muskurae

muhib aur kale shajar

dudhiya rang chadar mein lipte hue

ba adab

lainon mein khare

ham jidhar chal pare

raste jhilmilae

magar manzilen

aur na koi pata manzilon ka kahin

surmai raste

aj phir khatm par a gae

chandni jaise dhimi pari

aur zarda gai

shab ne apne paron ko sameta

phisalte hue khwab

andhi guphaon ki janib barhe

aur phir

zaafran rang kohre mein

ik salib siyah ki tarah

jab wo khurshid ubhra

to main us pe maslub tha