کنوارے کھیت میری خواہشوں کے

کنوارے کھیت میری خواہشوں کے

تشنگی کی دھوپ میں

جلتے ہیں

سیم اور تھور مایوسی کے

کالے قہر کی صورت

لہو کا ایک اک قطرہ

رگوں سے چوستے جاتے ہیں

پیلے موسموں کی چپ

بنی ہے بھاگ کی ریکھا

کہ صدیوں سے پڑا ہے قحط گیتوں کا

جو فصل کٹتے وقت گاتی ہیں

تھرکتی ناچتی

بستی کی بالائیں

یہاں صدیوں سے برکھا رت کو

جیون کا ہر اک لمحہ

ترستا ہے

یہاں کھیتوں کے لب کی پپڑیوں پر

تشنگی کا

قطرہ قطرہ بس ٹپکتا ہے

kunware khet meri khwahishon ke

tishnagi ki dhup mein

jalte hain

sim aur thor mayusi ke

kale qahr ki surat

lahu ka ek ik qatra

ragon se chuste jate hain

pile mausamon ki chup

bani hai bhag ki rekha

ke sadiyon se para hai qaht giton ka

jo fasl katte waqt gati hain

thirakti nachti

basti ki balaen

yahan sadiyon se barkha rut ko

jiwan ka har ik lamha

tarasta hai

yahan kheton ke lab ki papriyon par

tishnagi ka

qatra qatra bas tapakta hai