صبح کے زعفرانی لبوں پر

صبح کے زعفرانی لبوں پر

جو شفقت کی ہلکی سی مسکان تھی

ایک ٹھٹھری ہوئی رات کی دھند میں

کھو چکی ہے

مرے چھوٹے بھائی نے

مجھ کو لکھا ہے

کہ آنگن میں جو نیم کا پیڑ تھا

اب کے طوفان میں گر چکا ہے

وہاں ٹھنڈی چھاؤں نہیں

دھوپ کا سلسلہ

مگر کھوج میں نان و نفقہ کی

نکلا ہوں

ایک کمزور سا آدمی

اپنے خوابوں کی بیساکھیوں پر ٹنگا

زندگی بھر

جو سوکھے ہوئے ہونٹ کی پیڑھیوں سے

کنوئیں تک کے

بے انت رستوں پہ چلتا رہا

آج بھی وہ مرے سامنے

آئنے میں کھڑا ہے

subh ke zafrani labon par

jo shafqat ki halki si muskan thi

ek thithri hui rat ki dhund mein

kho chuki hai

mire chhote bhai ne

mujh ko likha hai

ke angan mein jo nim ka per tha

ab ke tufan mein gar chuka hai

wahan thandi chhaon nahin

dhup ka silsila

magar khoj mein nan-o-nafaqa ki

nikla hun

ek kamzor sa admi

apne khwabon ki besakhiyon par tanga

zindagi bhar

jo sukhe hue hont ki pirhiyon se

kanoen tak ke

be ant raston pe chalta raha

aj bhi wo mire samne

aine mein khara hai