لہرا ترنگے لہرا ہوا میں

لہرا ترنگے لہرا ہوا میں

بھر دے رنگ و نور فضا میں

پیارے ترنگے تیری لالی

خون شہیداں کی ہے سرخی

آزادی کی ایک نشانی

آزادی ہے جان وطن کی

لہرا ترنگے لہرا ہوا میں

بھر دے رنگ و نور فضا میں

پیارے ترنگے تیری سفیدی

ایک علامت امن و اماں کی

امن و اماں ہے بستی بستی

قصبہ قصبہ نگری نگری

لہرا ترنگے لہرا ہوا میں

بھر دے رنگ و نور فضا میں

پیارے ترنگے تیرا ہرا پن

صحرا صحرا گلشن گلشن

دانہ دانہ خرمن خرمن

کھیت بنا ہے تجھ سے ہر بن

لہرا ترنگے لہرا ہوا میں

بھر دے رنگ و نور فضا میں

پیارے ترانے تیرا چکر

انساں کی منزل کا رہبر

سچائی اور دھرم کا مظہر

چاند ستارے صدقے تجھ پر

لہرا ترنگے لہرا ہوا میں

بھر دے رنگ و نور فضا میں

lahra tirange lahra hawa mein

bhar de rang-o-nur faza mein

pyare tirange teri lali

khun-e-shahidan ki hai surkhi

azadi ki ek nishani

azadi hai jan watan ki

lahra tirange lahra hawa mein

bhar de rang-o-nur faza mein

pyare tirange teri safedi

ek alamat amn-o-aman ki

amn-o-aman hai basti basti

qasba qasba nagri nagri

lahra tirange lahra hawa mein

bhar de rang-o-nur faza mein

pyare tirange tera hara pan

sahra sahra gulshan gulshan

dana dana khirman khirman

khet bana hai tujh se har ban

lahra tirange lahra hawa mein

bhar de rang-o-nur faza mein

pyare tarane tera chakkar

insan ki manzil ka rahbar

sachchai aur dharm ka mazhar

chand sitare sadqe tujh par

lahra tirange lahra hawa mein

bhar de rang-o-nur faza mein