دھول کی آواز میں جل تھل سمندر گم ہوئے

دھول کی آواز میں جل تھل سمندر گم ہوئے

دربند چہرے مسخ

بینائی پریشاں خواب

پوروں کا لہو بادل

سروں کے بال خاکستر ہوئے

آنے والوں نے صبا کی اجڑی خوشبو

پھیکے ہونٹوں زرد کانوں پہ سجائی

اس کے گھر کا در کھلا

وحشت زدہ چہروں نے دیکھا رنگ بادامی بدن ننگا

خراشیں اپنے ناخن کی امیں گم صم شکستہ

روئے آئینہ میں سرگوشی ہوئی

ریزہ ریزہ ذرہ ذرہ پیاس میں اٹتی ہوا کے سلسلے

نیش زن لمحوں میں مخفی دھڑکنوں کا رقص

مدھم بے کراں مٹی سے پر

اس نے صحرا میں بکھرتے بول گوش کارواں بن کے سنے

دن کسی شیشے کے نخل سرد کی مانند

اس کے سوکھتے گالوں کی طرح خشک شام

سینۂ عالم کھلا اس نے اپنی زرد آنکھیں کھول دیں

رات کا منظر کھلا

اس کے سینے کی سیاہی پیرہن بننے لگے

dhul ki awaz mein jal thal samundar gum hue

darband chehre maskh

binai pareshan khwab

poron ka lahu badal

saron ke bal khakistar hue

ane walon ne saba ki ujri khushbu

phike honton zard kanon pe sajai

us ke ghar ka dar khula

wahshat zada chehron ne dekha rang badami badan nanga

kharashen apne nakhun ki amin gum sum shikasta

ru-e-aina mein sargoshi hui

reza reza zarra zarra pyas mein atti hawa ke silsile

nesh zan lamhon mein makhfi dharkanon ka raqs

maddham be karan mitti se par

us ne sahra mein bikharte bol gosh karwan ban ke sune

din kisi shishe ke nakhl sard ki manind

us ke sukhte galon ki tarah khushk sham

sina-e-alam khula us ne apni zard ankhen khol den

rat ka manzar khula

us ke sine ki siyahi pairahan banne lage