میں نوحہ لکھتا ہوں اپنے خلیوں کے چھلنی خوابوں اے

میں نوحہ لکھتا ہوں اپنے خلیوں کے چھلنی خوابوں اے

سر زمین ہوس میں پھیلے سراب آسا کھلے گلابوں کا

منظروں کے لہو میں گھلتی غلیظ مٹی کی باتوں کا

مرے وجود سیہ بختی میں اجڑے اشکوں کے گرد سائے قفس بنے میں

میں دائروں کے مہین تاروں کی

ناتمامی میں

ریشہ ریشہ سمٹ گیا ہوں

کہانیوں کے دبیز پردوں کی تہ میں عریاں

تمہاری آنکھوں کی مسکراہٹ عذاب بن کر

مرے سفر کی ہر ایک منزل میں آ چھپی ہے

میں نوحہ لکھتا ہوں

زرد سوچوں کا

کالی سانسوں کا

اپنے ہونٹوں کے شمسی لفظوں کا ذائقوں کا

تمہارے سینے پہ کنڈلی مارے جو سانپ بیٹھا ہے

اس کی خونی زباں کا نوحہ

خود اپنے باطن کے خشک صحرا میں

اجلے تاروں کی تابناکی کا

خواہشوں سے بھری ہواؤں کی کائناتوں کا نوحہ لکھتا ہوں نوحہ خواں ہوں

main nauha likhta hun apne khalliyon ke chhalni khwabon ai

sar zamin-e-hawas mein phaile sarab asa khule gulabon ka

manzaron ke lahu mein ghulti ghaliz mitti ki baton ka

mire wajud siyah bakhti mein ujre ashkon ke gard sae qafas bane mein

main dairon ke mahyun taron ki

natamami mein

resha resha simat gaya hun

kahaniyon ke dabiz pardon ki tah mein uryan

tumhari ankhon ki muskurahat azab ban kar

mire safar ki har ek manzil mein a chhupi hai

main nauha likhta hun

zard sochon ka

kali sanson ka

apne honton ke shamsi lafzon ka zaiqon ka

tumhare sine pe kundli mare jo sanp baitha hai

us ki khuni zaban ka nauha

khud apne batin ke khushk sahra mein

ujle taron ki tabnaki ka

khwahishon se bhari hawaon ki kainaton ka nauha likhta hun nauha khwan hun