سر زمین تمنا کی مٹی سلاخیں اگانے لگی ہے

سر زمین تمنا کی مٹی سلاخیں اگانے لگی ہے

گرفتار ہونے کا موسم

سر قریۂ آبرو

آفتاب ہلاکت کی صورت چمکنے لگا ہے

شعاعوں کے نوکیلے پنجوں نے جسموں کو زخمی کیا ہے

بھنور در بھنور روشنی کے سمندر

طوفان قیدی ہوئے

یہ بستی گناہوں سے معمور آفت رسیدوں کی بستی ہے

نوزائدہ آرزو انتہاؤں کے امکاں سمیٹے

ضمیروں میں لتھڑی جرائم زدہ خواہشوں کو

مٹائے تو کیسے

رگوں کے دریچوں سے لپٹی فصیلوں کو ریزوں کی صورت

ہوا میں اچھالے تو کیسے

کہ اس کا نوشتہ فقط از سر نو گرفتار ہونا

نے دائروں کے تسلط میں جینا

سیاہی کے باطن میں موجود غاروں میں رہنا

ہلاکت کی سرچشمہ گاہوں سے

آزاد رہنے کی عظمت سے واقف ہواؤ

ہماری فصیلوں کی جانب بھی آؤ

ہمیں یہ بتاؤ

گرفتار ہونا ہمارا نوشتہ نہیں تھا

ارادوں میں موجود طوق و سلاسل

ہوس ناک دہشت

تمنا کی مٹی میں فولاد ہوتے رہے ہیں

خود اپنی توانا حقیقت

گرفتار کرنے سے قاصر رہے میں

sar zamin-e-tamanna ki mitti salakhen ugane lagi hai

giraftar hone ka mausam

sar qarya-e-abru

aftab halakat ki surat chamakne laga hai

shuaon ke nokile panjon ne jismon ko zakhmi kya hai

bhanwar dar bhanwar raushni ke samundar

tufan qaidi hue

ye basti gunahon se maamur afat rasidon ki basti hai

nauzaida arzu intihaon ke imkan samete

zamiron mein lithri jaraim zada khwahishon ko

mitae to kaise

ragon ke darichon se lipti fasilon ko rezon ki surat

hawa mein uchhale to kaise

ke us ka nawashta faqat az sar-e-nau giraftar hona

ne dairon ke tasallut mein jina

siyahi ke batin mein maujud gharon mein rahna

halakat ki sarchashma gahon se

azad rahne ki azmat se waqif hawao

hamari fasilon ki janib bhi ao

hamen ye batao

giraftar hona hamara nawashta nahin tha

iradon mein maujud tauq-o-salasil

hawas nak dahshat

tamanna ki mitti mein faulad hote rahe hain

khud apni tawana haqiqat

giraftar karne se qasir rahe mein