عیش و عشرت بھرے ایام سے ڈر لگتا ہے

عیش و عشرت بھرے ایام سے ڈر لگتا ہے

زندگانی ترے انجام سے ڈر لگتا ہے

جی رہا ہوں مگر اس درجہ حراساں ہو کر

صبح ہوتی ہے تو پھر شام سے ڈر لگتا ہے

بے خودی لے کے چلی ہے مجھے منزل کی طرف

اب مجھے ہوش کے پیغام سے ڈر لگتا ہے

انگلیاں اٹھنے نہ لگ جائیں کہیں غیروں کی

رہنے دو آپ کے انعام سے ڈر لگتا ہے

درد بڑھ جائے نہ اس تیر نظر کو روکو

آپ کے ساتھ تو انجام سے ڈر لگتا ہے

aish-o-ishrat bhare ayyam se dar lagta hai

zindagani tire anjam se dar lagta hai

ji raha hun magar is darja hirasan ho kar

subh hoti hai to phir sham se dar lagta hai

be khudi le ke chali hai mujhe manzil ki taraf

ab mujhe hosh ke paigham se dar lagta hai

ungliyan uthne na lag jaen kahin ghairon ki

rahne do ap ke inam se dar lagta hai

dard barh jae na is tir-e-nazar ko roko

ap ke sath to anjam se dar lagta hai