تمہاری جانب دعا کے موتی روانہ کرتے

تمہاری جانب دعا کے موتی روانہ کرتے

دکھا یہ سکتے

کہ لاڈلی کی سنہری آنکھیں بھری ہوئی تھیں

وہ ایک چٹھی کہ جس میں خود کو دلاسہ دیتے

بلک رہی تھی

وہ بکھرے صفحات ڈائری کے

کہ جن میں تم پر لکھی تھیں نظمیں

بھرے تھے اشعار

کیسے بھیجیں

کہ تم تو مٹی کے گھر میں جا کے بسے ہوئے ہو

زمین والوں کو آ کے دیکھو

کہ بن تمہارے

ہماری عیدیں بھی ماتموں کی طرح گزرتی ہیں بین کرتے

اداسیوں کی سیاہ بھٹی میں جلتے بجھتے

کہ آسمانی بشارتوں کا جو سلسلہ تھا

وہ ایک مدت سے توڑ رکھا ہے

جوڑ ڈالو

تمہارے خوابوں کی منتظر ہے تمہاری لاڈو

سو اس سے پہلے سفر کے اسباب باندھ لے وہ

سماعتوں کو صدا سنا دو

tumhari janib dua ke moti rawana karte

dikha ye sakte

ke ladli ki sunahri ankhen bhari hui thin

wo ek chitthi ke jis mein khud ko dilasa dete

bilk rahi thi

wo bikhre safhat dairi ke

ke jin mein tum par likhi thin nazmen

bhare the ashar

kaise bhejen

ke tum to mitti ke ghar mein ja ke base hue ho

zamin walon ko a ke dekho

ke bin tumhare

hamari eiden bhi matamon ki tarah guzarti hain bain karte

udasiyon ki siyah bhatti mein jalte bujhte

ke asmani basharaton ka jo silsila tha

wo ek muddat se tor rakha hai

jor dalo

tumhare khwabon ki muntazir hai tumhari lado

so is se pahle safar ke asbab bandh le wo

samaaton ko sada suna do