ہر تمنا پوری کر دے جو ہمارے دل میں ہے

ہر تمنا پوری کر دے جو ہمارے دل میں ہے

آنے والے اب تو آ جا زندگی مشکل میں ہے

کس طرح بھولیں گے تجھ کو بھولنا ممکن نہیں

تیری یادوں کا دیا روشن ہمارے دل میں ہے

حسرت و امید کے اس بار شاید گل کھلیں

دیکھ وہ غنچہ دہن جان چمن محفل میں ہے

یوں تو کہنے کو اسے کہتی ہے دنیا بے گناہ

خون دل کا داغ لیکن دامن قاتل میں ہے

دیکھنا اے دردؔ ہو جائیں گے دل کتنے اسیر

زلف پیچاں آج وہ کھولے ہوئے محفل میں ہے

har tamanna puri kar de jo hamare dil mein hai

ane wale ab to a ja zindagi mushkil mein hai

kis tarah bhulenge tujh ko bhulna mumkin nahin

teri yadon ka diya raushan hamare dil mein hai

hasrat-o-ummid ke is bar shayad gul khulen

dekh wo ghuncha dahan jan-e-chaman mahfil mein hai

yun to kahne ko use kahti hai duniya be gunah

khun-e-dil ka dagh lekin daman-e-qatil mein hai

dekhna ai dard ho jaenge dil kitne asir

zulf-e-pechan aj wo khole hue mahfil mein hai