زمانے کو خود سے نہ انجان رکھ

زمانے کو خود سے نہ انجان رکھ

کوئی منفرد اپنی پہچان رکھ

مہک جائے خوشبو سے سارا جہاں

سجا کر محبت کا گلدان رکھ

جو ہے کامیابی کی چاہت تجھے

نظر اپنی منزل پہ ہر آن رکھ

ترا کیا بگاڑے گا ظالم جہاں

تو ہمت کی سینے میں چٹان رکھ

رگ جاں ہے بیوی اگرچہ تری

تو ماں باپ کا بھی مگر دھیان رکھ

دکھائے گا تجھ کو خدا ایک دن

مدینے کا دل میں تو ارمان رکھ

پھر احساس ہوگا تجھے دردؔ کا

در دل پہ خوں رنگ دربان رکھ

zamane ko khud se na anjan rakh

koi munfarid apni pahchan rakh

mahak jae khushbu se sara jahan

saja kar mohabbat ka guldan rakh

jo hai kamyabi ki chahat tujhe

nazar apni manzil pe har an rakh

tira kya bigarega zalim jahan

tu himmat ki sine mein chatan rakh

rag-e-jan hai biwi agarche tiri

tu man bap ka bhi magar dhyan rakh

dikhaega tujh ko khuda ek din

madine ka dil mein to arman rakh

phir ehsas hoga tujhe dard ka

dar-e-dil pe khun rang darban rakh