اے منڈیلا تری بے باک قیادت کو سلام

اے منڈیلا تری بے باک قیادت کو سلام

سچ ہے انسان کی توقیر بڑھا دی تو نے

تا ابد یاد رہے گی یہ مثالی پیکار

قلعۂ ظلم کی بنیاد ہلا دی تو نے

یہ تری جہد مسلسل یہ ترا عزم صمیم

شمع طوفان حوادث میں جلا دی تو نے

آج ایفریقا کے سب پیر و جواں ہیں بیدار

قسمت خفتہ غلاموں کی جگا دی تو نے

زور بازو نے ترے آج بڑا کام کیا

گردن خواجگی پل بھر میں جھکا دی تو نے

جو تھی انسان پہ انساں کے ستم کی بنیاد

پست و بالا کی وہ تفریق مٹا دی تو نے

تو نے شاہیں سے ممولے کو لڑایا اے دوست

خاک میں ہیبت افرنگ ملا دی تو نے

اے مرے مرد مجاہد تری جرأت کے نثار

رنگ اور نسل کی دیوار گرا دی تو نے

دیکھ ہے وقت کی موجوں میں روانی تجھ سے

زندہ ہے عظمت انساں کی کہانی تجھ سے

ai mandila tiri be bak qiyadat ko salam

sach hai insan ki tauqir barha di tu ne

ta abad yad rahegi ye misali paikar

qila-e-zulm ki buniyad hila di tu ne

ye tiri jahd-e-musalsal ye tira azm-e-samim

shama tufan-e-hawadis mein jala di tu ne

aj efreqa ke sab pir-o-jawan hain bedar

qismat-e-khufta ghulamon ki jaga di tu ne

zor-e-bazu ne tire aj bara kam kiya

gardan-e-khwajgi pal bhar mein jhuka di tu ne

jo thi insan pe insan ke sitam ki buniyad

past-o-bala ki wo tafriq mita di tu ne

tu ne shahin se mamole ko laraya ai dost

khak mein haibat-e-afrang mila di tu ne

ai mire mard-e-mujahid tiri jurat ke nisar

rang aur nasl ki diwar gira di tu ne

dekh hai waqt ki maujon mein rawani tujh se

zinda hai azmat insan ki kahani tujh se