Arooz is now on the App Store, for iPhone and iPad. Download →

All poetry

اس دنیا میں

Rafia Shabnam Abidi (b. 1943)

اس دنیا میں

چشم و زباں کے

نطق و بیاں کے

یا دل و جاں کے

کتنے رشتے ٹوٹ گئے ہیں

اے دل آخر

کس کارن رنجیدہ ہونا

کس کے لئے نم دیدہ ہونا

پاگل یہ تو سچائی ہے

سچائی پر رونا کیسا

پلک ڈور میں ہیرے لعل پرونا کیسا

درد کا طوفاں آنکھ نگر میں پھیل گیا تو

کیا دکھ ہے اور کیسا غم ہے

سچ کا ہر عرفان اہم ہے

اے دل میرے پاگل جوگی

مٹھی بھر اک بار تو جی لے

جیون وش دو گھونٹ تو پی لے

من چنری کانٹوں سے سی لے

اے دل میرے پاگل جوگی

مت بن روگی

آخری صبح کبھی تو ہوگی