کیا خبر تھی اس قدر وہ بے وفا ہو جائے گا

کیا خبر تھی اس قدر وہ بے وفا ہو جائے گا

ایک دن سایہ مرا مجھ سے جدا ہو جائے گا

حد سے بڑھ کر گر کسی کو تم نے چاہا پھر وہی

با وفا ہوتے ہوئے بھی بے وفا ہو جائے گا

ظلم کی بھی انتہا ہوتی ہے اتنا سوچ لے

آہ کے شعلوں میں جل کر تو فنا ہو جائے گا

گر بچا کر جی لئے ایمان کو اس دور میں

دوستو پھر زندگی کا حق ادا ہو جائے گا

اس لئے کرتا نہیں اب درد دل کا میں علاج

درد جب حد سے بڑھے گا خود دوا ہو جائے گا

kya khabar thi is qadar wo be wafa ho jaega

ek din saya mira mujh se juda ho jaega

had se barh kar gar kisi ko tum ne chaha phir wahi

ba wafa hote hue bhi be wafa ho jaega

zulm ki bhi intiha hoti hai itna soch le

ah ke sholon mein jal kar to fana ho jaega

gar bacha kar ji liye iman ko is daur mein

dosto phir zindagi ka haq ada ho jaega

is liye karta nahin ab dard-e-dil ka main ilaj

dard jab had se barhega khud dawa ho jaega