آج بھی کوئی کہیں گوش بر آواز نہ تھا

آج بھی کوئی کہیں گوش بر آواز نہ تھا

آج بھی چاروں طرف لوگ تھے اندھے بہرے

آج بھی میری ہر اک سوچ پہ بیٹھے پہرے

آج بھی تم مری ہر سانس کے مالک ٹھہرے

میرا گم نام سا کھویا سا یہ بے چین وجود

ایک پہچان کا صدیوں سے جو دیوانہ رہا

آج بھی اپنے سے بیگانہ رہا

اور جیا بھی تو جیا بن کے کسی کا سایہ

آج بھی مجھ سے مرا میں نہیں ملنے پایا

آج بھی میں نے خود اپنے سے ملاقات نہ کی

ایک پل ہی کو سہی

اپنے ہی دل سے مگر دل کی کوئی بات نہ کی

بیتی صدیوں کی طرح

آج بھی آج کا دن بیت گیا

aj bhi koi kahin gosh bar awaz na tha

aj bhi charon taraf log the andhe bahre

aj bhi meri har ik soch pe baithe pahre

aj bhi tum miri har sans ke malik thahre

mera gum nam sa khoya sa ye be chain wajud

ek pahchan ka sadiyon se jo diwana raha

aj bhi apne se begana raha

aur jiya bhi to jiya ban ke kisi ka saya

aj bhi mujh se mira mein nahin milne paya

aj bhi main ne khud apne se mulaqat na ki

ek pal hi ko sahi

apne hi dil se magar dil ki koi bat na ki

biti sadiyon ki tarah

aj bhi aj ka din bit gaya