سینکڑوں بار یہی دل میں خیال آیا ہے

سینکڑوں بار یہی دل میں خیال آیا ہے

میں تری راہ میں گل بن کے بکھر سکتی تھی

تیری آنکھوں کے سمندر سے گزر سکتی تھی

تیری رگ رگ میں لہو بن کے اتر سکتی تھی

میری مغرور طبیعت نے مگر

ایسا ہونے نہ دیا

اور اب سوچتی ہوں

کاش ہو جائے یوں ہی

میں تری راہ گزر کا کوئی کانٹا بن جاؤں

اور جب تو کسی رنگین تصور میں مگن

بے خیالی میں مجھے روند کے آگے بڑھ جائے

تیرے تلووں میں چبھوں

تیرے لہو میں مل جاؤں

sainkron bar yahi dil mein khayal aya hai

main tiri rah mein gul ban ke bikhar sakti thi

teri ankhon ke samundar se guzar sakti thi

teri rag rag mein lahu ban ke utar sakti thi

meri maghrur tabiat ne magar

aisa hone na diya

aur ab sochti hun

kash ho jae yun hi

main tiri rah guzar ka koi kanta ban jaun

aur jab to kisi rangin tasawwur mein magan

be khayali mein mujhe raund ke age barh jae

tere talwon mein chubhun

tere lahu mein mil jaun