چرا کر نظر اک نظر دیکھ لینا

چرا کر نظر اک نظر دیکھ لینا

محبت کا پھر تم اثر دیکھ لینا

تمہیں اپنے جلوؤں سے فرصت ملے تو

ہمیں بھی کبھی اک نظر دیکھ لینا

کسک دل میں تم کو بھی محسوس ہوگی

جو مارے ہیں تیر نظر دیکھ لینا

ڈبو دے گا اک دن سفینے کو تیرے

یہ حرص و ہوس کا بھنور دیکھ لینا

فضاؤں میں شہرت کی اڑنے سے پہلے

شکستہ نہ ہوں بال و پر دیکھ لینا

کہاں تک تڑپتا رہوں درد بن کر

کبھی آ کے زخم جگر دیکھ لینا

chura kar nazar ik nazar dekh lena

mohabbat ka phir tum asar dekh lena

tumhen apne jalwon se fursat mile to

hamen bhi kabhi ik nazar dekh lena

kasak dil mein tum ko bhi mahsus hogi

jo mare hain tir-e-nazar dekh lena

dubo dega ik din safine ko tere

ye hirs-o-hawas ka bhanwar dekh lena

fazaon mein shohrat ki urne se pahle

shikasta na hun bal-o-par dekh lena

kahan tak tarapta rahun dard ban kar

kabhi a ke zakhm-e-jigar dekh lena