مرے پن کشن میں بہت سی پنیں ہیں

مرے پن کشن میں بہت سی پنیں ہیں

اور اکثر پنیں اس میں ایسی ہیں جو دور انجانے ملکوں

سے آئے خطوں سے نکالی گئی ہیں

یہ اس وقت ظاہر حقیقت کی صورت مرے پن کشن

میں لگی ہیں

اگر پن کشن کی ہر اک پن یہ سوچے

کہ میں تو فلاں دیش کی ہوں

فلاں دیش نے میرا لوہا جنا تھا

فلاں دیش نے میری صورت گڑھی تھی

تو یہ سوچنا پن کشن کی حقیقت کو خطرے میں ڈالے نہ ڈالے

پنوں کو یقیناً جڑوں سے ہلا دے گا

اور پھر یہ ساری پنیں

بے سکت

بے جہت

بے ہدف

یوں ہی رلتی پھریں گی

mire pan kushan mein bahut si pinen hain

aur aksar pinen is mein aisi hain jo dur anjane mulkon

se ae khaton se nikali gai hain

ye is waqt zahir haqiqat ki surat mire pan kushan

main lagi hain

agar pan kushan ki har ik pan ye soche

ke main to fulan desh ki hun

fulan desh ne mera loha jana tha

fulan desh ne meri surat garhi thi

to ye sochna pan kushan ki haqiqat ko khatre mein dale na dale

pannon ko yaqinan jaron se hila dega

aur phir ye sari pinen

be sakat

be jihat

be hadaf

yun hi rulti phirengi