چنانچہ سر شام ہم سب کسی خاندان فرنگی سے بہر ملاقات نکلے

چنانچہ سر شام ہم سب کسی خاندان فرنگی سے بہر ملاقات نکلے

جامعہ میں حصول زر علم و دانش کو آئے ہوئے تھے

کہاں کس کو کس شخص کی میزبانی ملے گی

بہرحال یہ طائفہ اجنبی مہمانوں کا اک درمیانے سے گھر میزبانوں ہی کی رہنمائی میں پہونچا

وہاں ہم سے پہلے بھی کچھ لوگ موجود تھے

روایات بیگانگی فرنگی میں بستہ

طنابوں میں برفیلے ٹھٹھرے ہوئے یخ زدہ موسموں میں مقید

مگر جن کے چہروں پہ ان کی معیشت کے رسمی شگوفے کھلے تھے

تعارف کی اک مختصر تیز ٹھنڈی سی گردان

سو آخری نام کے آخری حرف کی ڈوبتی چند لہریں

سو آخری ہاتھ کے کھردرے چند ریزے

مرے حافظے میں تو کچھ بھی نہیں رہ گیا تھا

چنانچہ تعارف کے سنگین فرشوں کو اک بار پھر سے کریدا تو دیکھا

سطح سخت تھی اور ناخن بڑے نرم تھے

اس اثنا میں اک خانم میزبان دونوں ہاتھوں میں سینی اٹھائے

نبید مصفا و گل رنگ کے کچھ بلوریں پیالے سجائے

بصد ناز و انداز آئیں

ابھی اس نبید مصفا کے دو چار چکر ہوئے تھے

کہ بوسیدہ رسموں کی اونچی فصلیں

تعصب کے تاریک زنداں

تکلف کی چکنی منڈیریں

تصنع کی پرخار باڑھیں

سراسر یہ سب گر گئیں اور اجنبی ہم وطن بن گئے

chunancheh sar-e-sham ham sab kisi khandan-e-farangi se bahr-e-mulaqat nikle

jamia mein husul-e-zar ilm-o-danish ko ae hue the

kahan kis ko kis shakhs ki mezbani milegi

bahrhal ye taifa ajnabi mehmanon ka ik darmiyane se ghar mezbanon hi ki rahnumai mein pahuncha

wahan ham se pahle bhi kuchh log maujud the

riwayat beganagi farangi mein basta

tanabon mein barfile thithre hue yakh zada mausamon mein muqayyad

magar jin ke chehron pe un ki maishat ke rasmi shagufe khule the

taaruf ki ik mukhtasar tez thandi si gardan

so akhiri nam ke akhiri harf ki dubti chand lahren

so akhiri hath ke khurdare chand reze

mire hafize mein to kuchh bhi nahin rah gaya tha

chunancheh taaruf ke sangin farshon ko ik bar phir se kureda to dekha

sath-e-sakht thi aur nakhun bare narm the

is asna mein ik khanam mezban donon hathon mein saini uthae

nabid musaffa-o-gul rang ke kuchh biluren pyale sajae

basad naz-o-andaz aen

abhi is nabid musaffa ke do char chakkar hue the

ke bosida rasmon ki unchi faslen

taassub ke tarik zindan

takalluf ki chukni munderen

tasanno ki purkhar barhen

sarasar ye sab gar gain aur ajnabi ham watan ban gae