شہر کی گلیاں گھوم رہی ہیں میرے قدم کے ساتھ

شہر کی گلیاں گھوم رہی ہیں میرے قدم کے ساتھ

ایسے سفر میں اتنی تھکن میں کیسے کٹے گی رات

خواب میں جیسے گھر سے نکل کے گھوم رہا ہو کوئی

رات میں اکثر یوں بھی پھری ہے تیرے لیے اک ذات

چند بگولے خشک زمیں پر اور ہوائیں تیز

اس صحرا میں کیسی بہاریں کیسی بھری برسات

دھوم مچائیں بستی بستی سوچ رہے تھے آپ

دیکھا کن کن ویرانوں میں لے کے گئے حالات

دن میں قیامت غم خواروں کی رات میں یاد یار

چند نفس کی مہلت میں بھی اتنے کٹھن دن رات

shahr ki galiyan ghum rahi hain mere qadam ke sath

aise safar mein itni thakan mein kaise kategi rat

khwab mein jaise ghar se nikal ke ghum raha ho koi

rat mein aksar yun bhi phiri hai tere liye ik zat

chand bagule khushk zamin par aur hawaen tez

is sahra mein kaisi baharen kaisi bhari barsat

dhum machaen basti basti soch rahe the ap

dekha kin kin wiranon mein le ke gae halat

din mein qayamat gham khwaron ki rat mein yad-e-yar

chand nafas ki mohlat mein bhi itne kathin din rat