دل پر جو تری یاد کا پہرا نہیں ہوتا

دل پر جو تری یاد کا پہرا نہیں ہوتا

ساگر کی طرح زخم بھی گہرا نہیں ہوتا

خوابوں کا بہت دیکھنا اچھا نہیں ہوتا

ہر خواب یقیناً کبھی سچا نہیں ہوتا

مرضی ہے مری جس کو بھی چاہوں اسے دیکھوں

آنکھوں پہ کسی ذات کا پہرا نہیں ہوتا

للہ طبیبوں کو دکھاتے ہو مجھے کیوں

اس ٹوٹے ہوئے دل کا مداوا نہیں ہوتا

نکلا ہے کہاں ریت میں تو پیاس بجھانے

صحرا میں جو دکھتا ہے وہ دریا نہیں ہوتا

ہونٹوں کو نجومی کے جو سینا ہے تو سی دو

تقدیر کا لکھا کبھی جھوٹا نہیں ہوتا

کوئی نہ اگر چھینتا بچے کا نوالا

وہ پیٹ پکڑ کر کبھی سویا نہیں ہوتا

سوامیؔ ذرا سورج کو سمندر سے نکالو

تھک ہار کے یوں ڈوبنا اچھا نہیں ہوتا

dil par jo tiri yad ka pahra nahin hota

sagar ki tarah zakhm bhi gahra nahin hota

khwabon ka bahut dekhna achchha nahin hota

har khwab yaqinan kabhi sachcha nahin hota

marzi hai miri jis ko bhi chahun use dekhun

ankhon pe kisi zat ka pahra nahin hota

lillah tabibon ko dikhate ho mujhe kyun

is tute hue dil ka mudawa nahin hota

nikla hai kahan ret mein to pyas bujhane

sahra mein jo dikhta hai wo dariya nahin hota

honton ko nujumi ke jo sina hai to si do

taqdir ka likha kabhi jhuta nahin hota

koi na agar chhinta bachche ka nauilla

wo pet pakar kar kabhi soya nahin hota

suami zara suraj ko samundar se nikalo

thak har ke yun dubna achchha nahin hota