شہر کی گلیوں کے روشن زاویے

شہر کی گلیوں کے روشن زاویے

رات کی تنہائیوں کے ہم سفر

آسماں کے نیلے نیلے حاشیے

چاند کی رعنائیوں کے نوحہ گر

تیرگی لپٹی ہوئی دیوار سے

صبح کی تابانیوں کی منتظر

راستوں کے پیچ و خم بازار سے

لوٹ کر آئے ہوں جیسے بار بار

ایک ویرانی ہے میری غم گسار

کچھ سیہ کچھ سرخ کچھ خاکستری

رنگ کے کتوں پہ اجلی دھاریاں

جن کی شریانوں میں شوریدہ سری

اور دریوزہ گری کا امتزاج

یہ سماں اور رات کی جادوگری

چاند کا لے کر چلی ہاتھوں میں تاج

shahr ki galiyon ke raushan zawiye

rat ki tanhaiyon ke ham safar

asman ke nile nile hashiye

chand ki raanaiyon ke nauha gar

tirgi lipti hui diwar se

subh ki tabaniyon ki muntazir

raston ke pech-o-kham bazar se

laut kar ae hun jaise bar bar

ek wirani hai meri gham gusar

kuchh siyah kuchh surkh kuchh khakistari

rang ke kutton pe ujli dhariyan

jin ki sharyanon mein shorida siri

aur daryuza giri ka imtizaj

ye saman aur rat ki jadugari

chand ka le kar chali hathon mein taj