میں ایک بوڑھے برگد کا درخت ہوں

میں ایک بوڑھے برگد کا درخت ہوں

جس کی شاخیں کٹ چکی ہیں اور پتے

بکھر چکے ہیں میرے سینے میں ایک خلا ہے

جس میں ایک دن ایک بوڑھے بندر نے

پناہ لی تھی

نہیں اے بوڑھے برگد

تم اس گنبد والی عمارت سے

بہتر ہو جس میں ایک ظالم بادشاہ کی قبر ہے

نہیں تم نہیں جانتے اس گنبد کے پیچھے

جھونپڑیوں میں کچھ دیئے جل رہے تھے

جن ہواؤں نے یہ دیئے بجھائے ہیں

میں ان ہواؤں سے اب بھی

لڑ رہا ہوں

main ek burhe bargad ka darakht hun

jis ki shakhen kat chuki hain aur patte

bikhar chuke hain mere sine mein ek khala hai

jis mein ek din ek burhe bandar ne

panah li thi

nahin ai burhe bargad

tum is gumbad wali imarat se

behtar ho jis mein ek zalim badshah ki qabr hai

nahin tum nahin jante is gumbad ke pichhe

jhonpariyon mein kuchh diye jal rahe the

jin hawaon ne ye diye bujhae hain

main un hawaon se ab bhi

lar raha hun