بھولی بسری یادیں اب بھی کانوں میں رس گھولتی ہیں

بھولی بسری یادیں اب بھی کانوں میں رس گھولتی ہیں

مجھ سے کیسی کیسی باتیں تنہائی میں بولتی ہیں

جادو کیسے کیسے جادو چلتے ہیں گلزاروں سے

گیسو کیسے کیسے گیسو اڑتے ہیں رخساروں سے

شمعیں کیسی کیسی شمعیں جلتی ہیں دیواروں پر

پردے کیسے کیسے پردے گرتے ہیں نظاروں پر

نیند کے ماتے اندھیاروں کی ظالم قاتل روشنیاں

دیئے کی لو میں جلنے والی جھلمل جھلمل روشنیاں

ناچ رہی ہے چاند کے آگے جانے کتنی کالی دھوپ

روشنیوں میں ڈوب رہے ہیں جانے رات کے کتنے روپ

خوشبو بن کے پھیل چکی ہیں کتنی یادیں کتنے سن

لڑیاں بن کے ٹوٹ چکی ہیں کتنی راتیں کتنے دن

وہ یادیں جو آنسو بن کے پلکوں پر لہراتی ہیں

جانے کن کن ویرانوں میں دیئے جلا کر آتی ہیں

bhuli bisri yaden ab bhi kanon mein ras gholti hain

mujh se kaisi kaisi baten tanhai mein bolti hain

jadu kaise kaise jadu chalte hain gulzaron se

gesu kaise kaise gesu urte hain rukhsaron se

shamen kaisi kaisi shamen jalti hain diwaron par

parde kaise kaise parde girte hain nazaron par

nind ke mate andhiyaron ki zalim qatil raushniyan

diye ki lau mein jalne wali jhilmil jhilmil raushniyan

nach rahi hai chand ke age jane kitni kali dhup

raushniyon mein dub rahe hain jane rat ke kitne rup

khushbu ban ke phail chuki hain kitni yaden kitne sun

lariyan ban ke tut chuki hain kitni raten kitne din

wo yaden jo ansu ban ke palkon par lahrati hain

jane kin kin wiranon mein diye jala kar ati hain