آگ سینے میں محبت کی لگاتے کیوں ہیں

آگ سینے میں محبت کی لگاتے کیوں ہیں

جب انہیں چھوڑ کے جانا ہے تو آتے کیوں ہیں

ہم جب انسان کی تعریف میں آتے ہی نہیں

پھر ہمیں لوگ کلیجے سے لگاتے کیوں ہیں

دور کعبہ تو ہے بندوں کی عبادت کے لئے

پھر یہ تعمیر شدہ گھر کو گراتے کیوں ہیں

کانچ کا گھر نہ شجر ہے کوئی آنگن میں مرے

دوستو سنگ مرے گھر میں پھر آتے کیوں ہیں

جب انہیں مجھ سے محبت ہی نہیں ہے سوامیؔ

پھر مرا نام وہ لکھ لکھ کے مٹاتے کیوں ہیں

ag sine mein mohabbat ki lagate kyun hain

jab unhen chhor ke jana hai to ate kyun hain

ham jab insan ki taarif mein ate hi nahin

phir hamen log kaleje se lagate kyun hain

dur kaaba to hai bandon ki ibadat ke liye

phir ye taamir shuda ghar ko girate kyun hain

kanch ka ghar na shajar hai koi angan mein mire

dosto sang mire ghar mein phir ate kyun hain

jab unhen mujh se mohabbat hi nahin hai suami

phir mira nam wo likh likh ke mitate kyun hain