سخاوتوں کے بہانے سے چھل رہے ہیں لوگ

سخاوتوں کے بہانے سے چھل رہے ہیں لوگ

نہ جانے کون سے سانچے میں ڈھل رہے ہیں لوگ

مسرتیں نہ جنہیں راس آئیں اوروں کی

غموں کی دھوپ میں بیٹھے پگھل رہے ہیں لوگ

جو خود پرست ہیں انساں مفاد کے پیکر

انہیں کے مکر فریبوں میں ڈھل رہے ہیں لوگ

کہاں میں آ گیا اس بزم میں سکوں کے لئے

یہاں تو آپ ہی آپس میں جل رہے ہیں لوگ

نہ جانے کون سی مشکل میں پھنس گئی دنیا

مثال آتش خاموش جل رہے ہیں لوگ

وہ نیم والی گلی اب نظر نہیں آتی

تمام شہر کا نقشہ بدل رہے ہیں لوگ

ذرا تو گھر سے نکل کر تو دیکھ دنیا کو

ہر ایک گام پہ سوامیؔ بدل رہے ہیں لوگ

sakhawaton ke bahane se chhal rahe hain log

na jane kaun se sanche mein dhal rahe hain log

masarraten na jinhen ras aen auron ki

ghamon ki dhup mein baithe pighal rahe hain log

jo khud parast hain insan mufad ke paikar

unhen ke makr farebon mein dhal rahe hain log

kahan main a gaya is bazm mein sukun ke liye

yahan to ap hi apas mein jal rahe hain log

na jane kaun si mushkil mein phans gai duniya

misal-e-atish-e-khamosh jal rahe hain log

wo nim wali gali ab nazar nahin ati

tamam shahr ka naqsha badal rahe hain log

zara to ghar se nikal kar to dekh duniya ko

har ek gam pe suami badal rahe hain log