گہری بھوری آنکھوں والا اک شہزادہ

گہری بھوری آنکھوں والا اک شہزادہ

دور دیس سے

چمکیلے مشکی گھوڑے پر ہوا سے باتیں کرتا

جگر جگر کرتی تلوار سے جنگل کاٹتا آیا

دروازوں سے لپٹی بیلیں پرے ہٹاتا

جنگل کی بانہوں میں جکڑے محل کے ہاتھ چھڑاتا

جب اندر آیا تو دیکھا

شہزادی کے جسم کی ساری سوئیاں زنگ آلودہ تھیں

رستہ دیکھنے والی آنکھیں

سارے شکوے بھلا چکی تھیں!

gahri bhuri ankhon wala ik shahzada

dur des se

chamkile mushki ghore par hawa se baten karta

jigar jigar karti talwar se jangal katta aya

darwazon se lipti belen pare hatata

jangal ki banhon mein jakre mahal ke hath chhurata

jab andar aya to dekha

shahzadi ke jism ki sari suiyan zang aluda thin

rasta dekhne wali ankhen

sare shikwe bhala chuki thin!