اندیشوں کے دروازوں پر

اندیشوں کے دروازوں پر

کوئی نشان لگاتا ہے

اور راتوں رات تمام گھروں پر

وہی سیاہی پھر جاتی ہے

دکھ کا شب خوں روز ادھورا رہ جاتا ہے

اور شناخت کا لمحہ بیتتا جاتا ہے

میں اور میرا شہر محبت

تاریکی کی چادر اوڑھے

روشنی کی آہٹ پر کان لگائے کب سے بیٹھے ہیں

گھوڑوں کی ٹاپوں کو سنتے رہتے ہیں!

حد سماعت سے آگے جانے والی آوازوں کے ریشم سے

اپنی روئے سیاہ پہ تارے کاڑھتے رہتے ہیں

انگشتا نے اک اک کر کے چھلنی ہونے کو آئے

اب باری انگشت شہادت کی آنے والی ہے

صبح سے پہلے وہ کٹنے سے بچ جائے تو!

andeshon ke darwazon par

koi nishan lagata hai

aur raton rat tamam gharon par

wahi siyahi phir jati hai

dukh ka shab khun roz adhura rah jata hai

aur shanakht ka lamha bitta jata hai

main aur mera shahr-e-mohabbat

tariki ki chadar orhe

raushni ki ahat par kan lagae kab se baithe hain

ghoron ki tapon ko sunte rahte hain!

had-e-samaat se age jane wali awazon ke resham se

apni ru-e-siyah pe tare karhte rahte hain

angshita ne ik ik kar ke chhalni hone ko ae

ab bari angishat-e-shahadat ki ane wali hai

subh se pahle wo katne se bach jae to!