''پتھر کی زباں'' کی شاعرہ نے

''پتھر کی زباں'' کی شاعرہ نے

اک محفل شعر و شاعری میں

جب نظم سناتے مجھ کو دیکھا

کچھ سوچ کے دل میں مسکرائی

جب میز پر ہم ملے تو اس نے

بڑھ کر مرے ہاتھ ایسے تھامے

جیسے مجھے کھوجتی ہو کب سے

پھر مجھ سے کہا کہ آج، پروینؔ!

جب شعر سناتے تم کو دیکھا

میں خود کو بہت ہی یاد آئی

وہ وقت کہ جب تمہاری صورت

میں بھی یوں ہی شعر کہہ رہی تھی

لکھتی تھی اسی طرح کی نظمیں

پر اب تو وہ ساری نظمیں غزلیں

گزرے ہوئے خواب کی ہیں باتیں!

میں سب کو ڈس اون کر چکی ہوں!

''پتھر کی زباں'' کی شاعرہ کے

چنبیلی سے نرم ہاتھ تھامے

''خوشبو'' کی صفیر سوچتی تھی

در پیش ہواؤں کے سفر میں

پل پل کی رفیق راہ میرے

اندر کی یہ سادہ لوح ایلسؔ

حیرت کی جمیل وادیوں سے

وحشت کے مہیب جنگلوں میں

آئے گی تو اس کا پھول لہجہ

کیا جب بھی صبا نفس رہے گا!؟

وہ خود کو ڈس اون کر سکے گی!؟

''patthar ki zaban'' ki shaira ne

ik mahfil-e-sher-o-shayari mein

jab nazm sunate mujh ko dekha

kuchh soch ke dil mein muskurai

jab mez par ham mile to us ne

barh kar mire hath aise thame

jaise mujhe khojti ho kab se

phir mujh se kaha ke aj, parwin!

jab sher sunate tum ko dekha

main khud ko bahut hi yad ai

wo waqt ke jab tumhari surat

main bhi yun hi sher kah rahi thi

likhti thi isi tarah ki nazmen

par ab to wo sari nazmen ghazlen

guzre hue khwab ki hain baten!

main sab ko das un kar chuki hun!

''patthar ki zaban'' ki shaira ke

chambeli se narm hath thame

''khushbu'' ki safir sochti thi

dar pesh hawaon ke safar mein

pal pal ki rafiq-e-rah mere

andar ki ye sada lauh elas

hairat ki jamil wadiyon se

wahshat ke muhib jangalon mein

aegi to us ka phul lahja

kya jab bhi saba nafas rahega!?

wo khud ko das un kar sakegi!?