گرچہ لکھی ہوئی تھی شہادت امام کی

گرچہ لکھی ہوئی تھی شہادت امام کی

لیکن میرے حسین نے حجت تمام کی

زینب کی بے ردائی نے سر میرا ڈھک دیا

آغاز صبح نو ہوئی وہ شام شام کی

اک خواب خاص چشم محمد میں تھا چھپا

تعبیر نور عین محمد نے عام کی

بچوں کی پیاس مالک کوثر پہ شاق تھی

ساقی کو ورنہ مے کی ضرورت نہ جام کی

حر سا نصیب بادشہوں کو نہیں نصیب

آقا سے مل رہی تھی گواہی غلام کی

دریا پہ تشنہ لب ہیں پہ صحرا میں شاد کام

دنیا عجب ہے ان کے سفر اور قیام کی

دے کر رضا جو چہرۂ شبیر زرد ہے

تھی التجائے جنگ یہ کس لالہ فام کی

garche likhi hui thi shahadat imam ki

lekin mere hasin ne hujjat tamam ki

zinib ki be ridai ne sar mera dhak diya

aghaz-e-subh-e-nau hui wo sham sham ki

ik khwab-e-khas chashm-e-mohammad mein tha chhupa

taabir nur-e-ain mohammad ne am ki

bachchon ki pyas malik-e-kausar pe shaq thi

saqi ko warna mai ki zarurat na jam ki

har sa nasib badshahon ko nahin nasib

aqa se mil rahi thi gawahi ghulam ki

dariya pe tishna lab hain pe sahra mein shad kam

duniya ajab hai un ke safar aur qayam ki

de kar raza jo chehra-e-shabbir zard hai

thi iltija-e-jang ye kis lala fam ki