ابھی میں نے دہلیز پر پاؤں رکھا ہی تھا کہ

ابھی میں نے دہلیز پر پاؤں رکھا ہی تھا کہ

کسی نے مرے سر پہ پھولوں بھرا تھال الٹا دیا

میرے بالوں پہ آنکھوں پہ پلکوں پہ، ہونٹوں پہ،

ماتھے پہ، رخسار پر

پھول ہی پھول تھے

دو بہت مسکراتے ہوئے ہونٹ

میرے بدن پر محبت کی گلنار مہروں کو یوں ثبت کرتے

چلے جا رہے تھے

کہ جیسے ابد تک

مری ایک اک پور کا انتساب

اپنی زیبائی کے نام لے کر رہیں گے

مجھے اپنے اندر سمو کر رہیں گے!

abhi main ne dahliz par paon rakha hi tha ke

kisi ne mire sar pe phulon bhara thal ulta diya

mere balon pe ankhon pe palkon pe, honton pe,

mathe pe, rukhsar par

phul hi phul the

do bahut muskurate hue hont

mere badan par mohabbat ki gulnar mehron ko yun sabt karte

chale ja rahe the

ke jaise abad tak

miri ek ik por ka intisab

apni zebai ke nam le kar rahenge

mujhe apne andar samo kar rahenge!